وبايي نزله او زکام (Flu)

زکام کله کله وبايي شکل غوره کوي او د يوه کلي ټول کسان پرې اخته کېږي، چې وبايي زکام ورته ويل کېږي.

لاملونه:

ددې ډول زکام سبب يو خاص ډول وايروس ده، چې د ناروغ جسم ته ننوځي او ددې ناروغۍ سبب کېږي.

نښې:

• ناروغ ته نزله او زکام رسېږي،
• تبه يې لوړيږي او له ۱۲۰ څخه تر ۱۴۰ پورې رسيږي،
• په لاسونو، پښو او د بدن په نورو برخو کې سخت درد پيدا کېږي
• د سر درد او سينې درد يې ځانګړې نښي دي، د ناروغ ژبه ښويه او ستونی يې درد پيدا کوي چې ټوخی هم ورسره وي،
• د مفصلونو درد د تبې له زياتوالي سره ټول بدن خوږېږي، په لږ وخت کې نژدې خلک ټول په دې ناروغۍ اخته کېږي.

درملنه:

ددې ناروغۍ اصلي درملنه نشته، خو که له دې ناروغۍ له امله د انسان په بدن کې کوم خرابوالی راشي هغه بايد معالجه شي، لکه نمونيا، ټوخی، تبه او داسې نور بايد د هغې مطابق دوا ورکړی شي.

د دردونو کمېدو لپاره د درد ضد دوا توصيه کړئ لکه  Tab.Panadol  یا Tab.Dipyron يا Tab.Paracetamol او داسي نور د ورځې څلور پنځه ځله يوه يوه ګولۍ چې دې سره به تبه کمه او درد رفع شي. ناروغ ته Cap.Teramycin  د ورځې څلور ځلې او يا Inj.Streptomycin+Pencillin د عضلې له لارې ورکړئ په همدې توګه  Tab.Actifidcold،Tab.Colden، Tab.fluze او Cap.Contec  د زکام د تسکين او د پرمختګ مخنيوي ځانګړي درمل دي.

 پرهېز:

• ناروغ بايد له يخې هوا څخه ځان وساتي
• غوړ او خواږه استعمال نه کړي
• په ګرمو اوبو کې مالګه واچوي او پوزي ته يې ونيسي بخارات يې تنفس کړي.