ځنکدن (نزع) او مرګ څه شی دی؟

مخکې له دې چې مرګ راورسېږي لومړی د عصبي سیستم د مرکز په اعمالو کې توقف رامنځته کېږي. د دې مرکز د اعمالو توقف په ترتیب سره د مغزله قشره (Cerebral Cortex) تدریج سره داخلي مغز (Inter brain) او منځني مغز (Mid brain) او بالاخره نخاع ته رسېږي.

نزع یا ځنکدن (Agony) د مرګ مخکینۍ مرحله ده، ناروغ کېدای شي له څو ساعتو څخه تر درې ورځو پورې د نزع په حالت کې وي.

د دې پړاو ځانګړنې د عصبي سیستم د مرکز د کار له اختلال او د ټولو حياتي اعمالو له خلل څخه عبارت دی، په همدې توګه تنفس متناوب او نامنظم کېږي، د قلب په اعمالو کې ضعف واقع کېږي، د تودوخې درجه تنزل کوي او بالاخره بيهوشي رامنځته کېږي.