کانګې او زړه راجګېدل Nausea-Vomitting:

کانګې کول پخپله کومه ناروغي نه ده. باید اصل سبب یې ولټول شي، ځکه چې ډېری د نورو عوارضو له امله رامنځته کېږي.

• که چېرته له کانګو سره اسهال هم وي، نو د خېټېې اصلاح کول ضرور دي
• او که چېرته له کانګو سره سر درد او تبه وي، نو د څه میکروبي لاملونو له امله به وي. باید هغه لوري ته توجه وشي
• او که له کانګو سره په ښي اړخ کې درد وي، نو د ځیګر، تریخي څه ناروغي به وي،
• که له کانګو سره د خېټې لاندینی ښي اړخ درد کوي، نو د کولمو د ورم او اپنډیسایتس ګومان پرې کېدای شي.
• او یا که له کانګو سره په ټوله خېټه یا د نامه په برخه کې درد وي، نو د چنجو له کبله به وي.
• د کانګو لوی لامل په خېټه کې د چنجو شته والی دی، چې په ماشومانو کې %60 کانګې له همدې لامله وي.
• د حمل واقع کېدو په وخت کې هم په ښځو کې کانګې واقع کېږي،
• پرته له دې د معدې زخم، د معدې تخریش او قولنج د کانګو اسباب دي.

د کانګو درملنه:

• د سختو کانګو پر مهال ناروغ ته Stimitil, Inj.Siquil او یا Inj.Largactil د عضلې له لارې زرق کړئ
• او یا Gravinat, Inj.Marazin او یا Inj.Dramin ورته تطبیق کړئ. ماشومانو ته پورتني درمل ډېر لږه اندازه ورکړئ.
• ناروغ ته له ۲ څخه تر ۴ ساعتو پورې د خولې له لارې درمل مه ورکوئ.
• د کانګو اصلي لامل ولټوئ او د هغې مطابق یې معالجه کړئ
• د حامله ښځو د کانګو د مخنیوي لپارهPyrenisin ګټورې ګولۍ دي. نارمل سلاين سيروم هم ګټه رسوي.
• که چېرته د سفر پر مهال په موټر يا الوتکه کې د کانګو سابقه وي، نوناروغ ته Avamine  او یا Tab.Largactil-25mg له سفر څخه دمخه ورکړئ.