د اشتها کموالی؛ لاملونه، تدابیر او درملنه Anorexia

د اشتها کموالی :Anorexia

کله چې د انسان لوږه کمه شي، خوړو ته یې زړه نه کیږي او ژر نه وږی کېږي، نو دې ته د اشتها کموالی یاAnorexia  ویل کېږي.

 

کم اشتهايي‌ لاملونه:

  • د اشتها کموالی اکثره وخت د تبې له واقع کېدو سره سم پیدا کېږي،
  • د سګرتو، نسوارو او پان له استعمال سره هم پېدا کېږي.
  • د هغو خوړو استعمال چې له هغې سره ژبه وچه او د لاړو افرازېدل کمېږي هم دا ناروغي واقع کېږي،
  • د VitB1 له کموالي څخه هم دا ناروغي منځته راځي.
  • د هاضمې سیستم په ټولو ناروغیو کې د اشتها کموالی صورت نیسي.
  • د معدې ورم، د معدې سرطان د دې ناروغۍ غټ اسباب دي.
  • کورنۍ او کاروباري پرېشانۍ، غم او خوشحالي سره هم دا ناروغي منځ ته راځي.

تدابیر:

  • مناسب کار او فعالیت کول،
  • ورزش،
  • خوراك باندې کنترول.
  • سهار پلي ګرځېدل،
  • په پاکه، صافه او ازاده هوا کې ناسته ولاړه د اشتها د کموالي په خاتمې کې مرسته کوي

د کم اشتهايي درملنه:

باید د ناروغۍ لامل معلوم او بیا تداوي کړای شي. لاندې دوا ورته توصیه کړئ:

  • orabolin یوه ګولۍ سهار، یوه ماښام، له یوې میاشتې باید زیات استعمال نه شي.
  • Mosegar.V سهار، غرمه او ماښام یوه يوه کاشوغه.
  • Festal دوه ګولۍ له لږو اوبو سره ترخوراك وروسته.
  • په همدې توګه ناروغ ته انزایم لرونکي درمل لکه: Zymoplex، Cap.Eplazym او Syp.Digiplex د ورځې درې ځله وروسته له خوړو توصیه کړئ.

Editorial Team

د واسع کلینیک د لیکوالۍ او خپرونکي ټیم لخوا. تاسو هم کولی شئ خپلې لیکنې د خپرولو لپاره موږ ته راولېږئ. که مطالب مو خوښ شوي وي، نورو سره یې هم شریکه کړئ. #مننه_چې_یاستئ
Back to top button