د انګور روغتیايي ګټې

الله (جل جلاله) هر نعمت بې شمیره ګټې لري او کولی شي انسان له یو شمیر مختلفو او مهلکو ناروغیو څخه وژغوري. ځینې میوې او خواړه بیا د نورو په پرتله ډیر ګټور مواد او روغتیايي ګټې لري.

انګور هم یو له هغو ګټورو خوړو څخه دی چې د بې شمیره روغتیايي او ګټورو موادو تر ټولو غوره او ستره منبع ګڼل کیږي. دلته مو د انګور له یو شمیر روغتیايي ګټو سره اشنا کوو:

۱- د بدن اضافي وزن په کمولو کې ډیره مرسته کوي.

۲- په بدن کې د ګټور کولیسټرول اندازه زیاتوي.

۳- د الزایمر (یادداشت) د ناروغۍ خطر کموي.

۴- د انټي اکسیډنټس (Antioxidants) یو له تر ټولو غښتلو منابعو څخه ګڼل کیږي.

۵- د عضلاتو بیرته رغیدو کې مرسته کوي.

۶- د زړه د حملې څخه مخنیوی کوي.

۷- د وینې لوړ فشار ټیټوي.

۸- انسان د عمر زیاتیدو له اغیز څخه ژغوري.

۹- انسان د سردرد له ځینو ډولونو څخه ژغوري.

۱۰- د سرطان په مخنیوی کې هم مهم رول لوبوي.

۱۱- په بدن کې د شکر د ناروغۍ په خلاف مبارزه کوي.

۱۲- د پړسوب ضد خاصیت لري.

۱۳- د پوټکي لپاره یو له ګټورو خوړو څخه دی.

انګور د سترګو نظر تېزوي!

دا خو همېشه اورو چې ګازرې د سترګو نظر لپاره ډيرې ښې دي، خو اوس تازه یوې نوې طبي څېړنې دې برخې ته یوه بله تازه مېوه انګور هم ورزیاته کړې ده.

د امریکا میامي پوهنتون یوې څېړنې ښودلې چې انګور خوړل له اینټي اکسایډنټس څخه پوره وي، روغتیا ته ګټه رسوي او تر ټولو مهم یې دا چې سترګو نظر ښه کوي.

څېړونکو زیاته کړې چې انګور ویټامن سي، کی او بیټا کروټين څخه ډک وي او دا د بدن دننه خطرناک مالیکیولز وباسي او ورسره د سترګو نظر هم ښه کیږي.

یاده څېړنه د امریکا په نیوټریشن ژورنال کې خپره شوې ده.

د انګـــورو ۲۰ فایــــــدې

Delicious-green-grapes-and-red-grapes_2560x1600

ليکوال: فضل الدين احسان بنوزی

انګور يوه ډيره ګټوره ميوه ده چې د ويټامين (A,C,B6)او Folic acid او ځينې نور ضروري منرالونه لکه پوتاشيم ،کلسيم،اوسپنه ، پاسپورس ،مګنيشيم او سلينيم لري.

د انګورو يو څو مهمې ګټې په لاندې ډول دي

1. نفس تنګي ناروغي د کنترول لپاره : لکه څرنګه چې انګور د معالجه کونکې ميوې په هيڅ پيژندل شوی نو کولاي شو چې د نفس تنګي ناروغي د کنترول لپاره استعمال کړو ځکه چې انګور په زياته اندازې سره اوبه لري چې دغه اوبه په سږو کې د نفس تنګي د پيښو د کميدو سبب ګرځي .

2. د هډوکي تندرستي او قوت لپاره: انګور د اوسپنې ،مس او مګنيشيم يوه غوره منبع ده کوم چې د هډوکي د جوړيدو او قوت لپاره ډير مهم منرالونه ګڼل کيږي، نو که چيرې په خپلو خوړو کې د انګورو خوراک اضافه کړو نو مونږ به د اوستيوپورو سيز(Osteoporosis) او مګنيزم هم د بدن لپاره يو مهم عنصر ده کوم چې د ميتابوليزم د عمليې په وخت کې د پروتين په هضم کې ،د کوليجن(Collagen) په جوړولو کې او هم د عصبي سيستم ترسره کولو کې ډيره مرسته کوي .

3. د زړه ناروغۍ د کنترول لپاره : انګور په وينه کېد Nitric Acid اندازه ډيروي چې په نتيجه کې د وينې د پړنديدو مخنيوئ کوي نو ځکه انګور د زړه د حملي د کميدو لپاره يوه مؤثره ميوه ده او همدارنګه په وينه کې د کولسترول اندازه هم کموي.

4. د نيم سرې تبې(Migraine) د کنترول لپاره : د پاخو انګور جوس د نيم سرې تبې د کنترول لپاره ډير ښه علاج دی بايد په سهار کې د اوبو د ګډولو نه بغير وڅکل شي په خاص ډول د نيم سرې تبې د کنترول لپاره د سروانګورو اوبه وڅکل شي.

5. د قبضيت د ناروغۍ د مخنيوي لپاره : انګور د قبضيت له منځه وړلو لپاره يوه مهمه ميوه ده ځکه انګور عضوي تيزاب ،بوره او سلولوز لري او د کولمو عضلات قوي چې په نتيجه کې د اوږدې مودې لپاره دقبضيت د اراميدو سبب ګرځي.

6. د بد هضمي له منځه وړلو لپاره : انګور د بد هضمي يو مهم او ښه علاج ده او هم د نس درد ارام کوي.

7. ستوماني له منځه وړي: سپين او روښانه انګورو جوس په خپل ساختمان کې اوسپنه لري چې د ستوماني د کميدو سبب ګرځي او د وينې کموالي ناروغۍ هم په ډيرو انسانانو کې مينځ ته راځي نو انګور ستاسو په بدن کې د اوسپنې او نورو منرالونو توازون رامنځته کوي چې د اوسپنې د کمبود په نتيجه کې هډوکئ کمزوی کيږي او انسان د ورو ودې سبب ګرځي.

8. د شکرې ناروغۍ د کنترول لپاره : نوو څيړنو ښودلې ده چې د انګورو پوستکې په وينه کې د شوګر يعنې د شکرې ناروغي د کنترول لپاره يو عجيه فعاليت کوي.

9. د غاښونو د ساتنې لپاره : د نوو څيړنو له مخې سره انګور او د انګورو تخمونه د غاښونو ساتنه کوي.

10. د پښتورګو د ناروغيو د کنترول لپاره : انګور د Uric acid د تيزابيتو تاثيرات کموي او د سيستم څخه تيزاب له منځه وړي نو په پښتورګو باندې د فشار او زور د کميدو سبب ګرځي او همدارنګه انګور په زياته اندازې سره اوبه لري نو د يورانيش عمليه تيزوي

11. د وينې د کلسترول د کموالي لپاره: انګور د Pterostilene يو مرکب لري چې دغه مرکب ددې ظرفيت لري چې په وينه کې د کلسترول اندازه کمه کړي.او همدارنګ

د انګورو په پوستکي کې Saponin موجود ده چې د کلسترول سره په يوځاي کيدلو سره يې د کلسترول د جذب کچه کميږي.

12. د بکتريا او وايرسونو د فعاليت د کنترول لپاره : سره انګور ډير قوی د بکتريا او وايرسونو د خاصيت ضد فعاليت کوي کوم چې انسان په وايرسونواو بکترياوو پواسطه د اخته کيدنې څخه ژغوري او همدارنګه د پوليو وايرس کنترول لپاره هم يوه قوي مانع دی او انګور انسان په کولمو او د بدن په نوروسيستمونو کې د بکترياوو پواسطه د اخته کيدنې څخه ساتي.

13. د سينې سرطان د کنترول لپاره : نوو څيړنو ښودلې ده چې انګور د سينې د سرطان ناروغۍ کنترولوي ،دسينې د غوټو دحجم په کميدلو کې هم مرسته کوي د انګورو د اکسديشن ضد عمليې په درلودلو سره د ټولو سرطاني ناروغيو د کنترول لپاره ګټور دی چې د انګورو جوس يا اوبه د سينې د سرطان د کنترول لپاره ډيې موثرې دي خصوصاً د ښځينه د سرطان ناروغي په ډير ښه ډول کنترولوي.

14. په زيات عمر لرونکو خلکو کې د حفاظي د کمزوري ناروغۍ (Alzheimr’s ) د کنترول لپاره : انګور په خپل ساختمان کې پولي پينول درلودونکئ دی چې د زيات عمر لرونکو خلکو حفاظې د کمزوري د ناروغۍ اندازه کموي،مطالعو ښودلې ده چې انګور د دماغو هم قوي کوي،د برتانيې Nutrition Claim په نوم مجلې په يوه ليکنه کې ذکر کړي چې د انګورو اوبه د دماغو وظايف اصلاح او ښه کوي خصوصاً د هغه زيات عمر خلکو کې کې چې د هغوئ دماغو ته صدمه رسيدلې وي

15. د سترګو ناروغۍ د کنترول لپاره : انګور کولای شي چې د عمر مربوطه د سترګو د ديد د کموالي او د سترګو ناروغيو مخه ونيسي. په ميامي پوهنتون(Miami University) کې اوسنيو څيړنو دا ښودلې ده چې انګور غني غذا ده کوم چې سترګې صحتمندې ساتي او د سترګو د ديد د کميدو مخه نيسي.

16. د انسان دفاعي سيستم د قوي کيدو لپاره : انګور د منرالونو سره سره ويټامينونه(A,C,K,B6) لري نو انګور زمونږ د بدن ډيرو سيستمونو صحت ته پرمختګ ورکوي په خاص ډول سره دفاعي سيستم ته ډير پرمختګ ورکوي.

17. د سترګو د شبکوري ناروغۍ د کنترول لپاره : انګور د اکسديزيشن ضد موادو په درلودلو سره د free Radical(هغه ماليکولونه چې يو ماليکول د بل ماليکول ځاي نيسي او هغه ماليکول له منځه وړي ) سره کلکه مقابله کوي او له منځه يې وړي چې Fee Radical د سترګو د شبکوري ناروغۍ زياتوي

18. په وينه کې د تيزابو د زياتوالي کنترول لپاره

19. د تبې او کم خوني د کنترول لپاره

20. جنسي غړو د بې نظمي د کنترول لپاره :

پورته 18,19,20 نمبرو ناروغۍ د وچو انګورو يعنې د مميزو په خسړلو سره کنتروليږي او همدارنګه مميز د تبې د کنترول لپاره هم کولاي شو چې استعمال يې کړو.