د ښځینه د ځانګړو غړیو اناتومي جوړښت Antomy of Female genitalia
د ښځینه تکثري سیستم اناتومي جوړښت او اناتومي Antomy of Female genitalia
د ښځو ځانګړي غړي په دوه ډوله دي:
۱- بهرني
۲- داخلي
لومړی: بهرني غړي:
دا په لاندې برخو وېشل شوی دی:
۱- غټه شونډه Labia Majora
۲- وړه شونډه Labia Minora
۳- بظر Clitoris
۴- د متیازو سوری Urethral Meatus
۵- د رحم سوری Vaginal Orifice
دویم: داخلي غړي:
۱- فرج یا مهبل (Vagina):
د رحم له بهرني سوري څخه پيل او د رحم تر خولې پورې اوږدوالی لري. په دې کې د ښځینه داخلي او بهرني اعضاء یو ځای کېږي.د حیض وینه او د ماشوم ولادت له دې لارې صورت نیسي. د دې اوږدوالی له ۴ تر ۵ انچه پورې وي.
۲- رحم (Uterus):
دا د ښځینه وو د تناسل هغه برخه ده، چې په دې کې د نر منویه ماده (سپرم) او د ښځو تخمک ((Ovum یوځای کېږي او حمل قرار نیسي، په دې کې جنین (ماشوم) پرورش کوي. د رحم په دوه اړخو کې دوه لارې (Uterine tube) دي او په دواړو اړخونو خصيته الرحم (Ovary) واقع دی، چې هغې کې د ښځو د تولید ماده بیضه پېدا کېږي او د نل له لارې رحم ته رسېږي.
۳-قاذفین (Fallopian tube) دا دوه نلونه دي، چې له رحم څخه پیل او خصیةالرحم (ovary) ته رسېږي، اوږدوالی یې ۴ انچه او قطر یې ۱.۶ انچه دی.
۴- خصیة الرحم (Ovaries): په کومه طریقه چې نذانو کې خصيې دي په همدې طریقه په ښځو کې دوه بیضة الانثی دي، چې په هغه کې بیضه ياهګۍ وي، دا غوټې د رحم ښي او چپ اړخ کې وي او له ۶ څخه تر ۸ ګرامو پورې وزن لري.